Kerala കേരളത്തിൻ്റെ ആദ്യ ജലവിമാനം കൊച്ചിയിൽ നിന്ന് പറന്നുയർന്നു

കൊച്ചി: കേരളത്തിൻ്റെ ആദ്യ ജലവിമാനം കൊച്ചിയിൽ നിന്ന് പറന്നുയർന്നു. സംസ്ഥാനത്തിന്‍റെ ടൂറിസം സ്വപ്നങ്ങൾക്ക് ഇതോടെ പുതിയ പാതയാണ് ഉണ്ടായിരിക്കുന്നത്.

ബോൾഗാട്ടിയില്‍ നിന്ന് പറയുന്നയര്‍ന്ന സീപ്ലെയിൻ ലാൻഡ് ചെയ്യുന്നത് മാട്ടുപ്പെട്ടി ഡാമിലാണ്. ചടങ്ങിൽ മന്ത്രിമാരായ മുഹമ്മദ്‌ റിയാസ്, പി രാജീവ്‌, വി ശിവൻകുട്ടി എന്നിവർ പങ്കെടുത്തു. മന്ത്രിമാരും സീപ്ലെയിനില്‍ യാത്ര ചെയ്തു.

സംസ്ഥാന വികസനത്തിന് ജനസാന്ദ്രത ഒരു വെല്ലുവിളിയാണെന്നും, സ്ഥലം ഏറ്റെടുപ്പ് വെല്ലുവിളിയാണെന്നും പറഞ്ഞ മന്ത്രി മുഹമ്മദ് റിയാസ്, ഉൾപ്രദേശങ്ങളിലെ ടൂറിസ്റ്റ് മേഖലയിൽ എത്തിപ്പെടാനുള്ള പരിമിതി സീ പ്ലെയിനിലൂടെ മറികടക്കാനാകുമെന്നും കൂട്ടിച്ചേർത്തു.