Kerala കോവളം മാരത്തോൺ നടക്കുന്നതിനാൽ നാളെ തിരുവനന്തപുരത്ത് ഗതാഗത നിയന്ത്രണം

തിരുവനന്തപുരത്ത് നാളെ ഗതാഗത നിയന്ത്രണം ഉണ്ടാകും. നാളെ  കോവളം മാരത്തോൺ  നടക്കുന്നതിനാൽ ആണ് നിയന്ത്രണം. കോവളം  മുതൽ ശംഖുമുഖം എയർപോർട്ട് ജംഗ്ഷൻ വരെ ആണ് മാരത്തോൺ. 

ഇതിൻറെ ഭാഗമായി കോവളം - കഴക്കൂട്ടം ബൈപ്പാസിൽ കോവളം മുതൽ ചാക്ക ജംഗ്ഷൻ വരെയും, ചാക്ക മുതൽ ശംഖുമുഖം വരെയുള്ള റോഡിലും, റോഡിന്റെ ഇടതുവശത്തുള്ള പാതയിലും വെളുപ്പിന് 2.00 മണി മുതൽ രാവിലെ 10.00 മണി വരെ ഗതാഗത നിയന്ത്രണങ്ങൾ  ഉണ്ടാകും.

വെളുപ്പിന് 2.00 മണി മുതൽ രാവിലെ 10.00 മണിവരെ കോവളം -  ചാക്ക ബൈപ്പാസ് റോഡിലെ പടിഞ്ഞാറുവശം പാതയിൽ  ഗതാഗതം അനുവദിക്കുന്നതല്ല, mകോവളം ജംഗ്ഷനിൽ നിന്നും തിരിഞ്ഞ് സമാന്തരമായുള്ള ചാക്ക - കോവളം ബൈപ്പാസ് റോഡിലൂടെ കോവളം ഭാഗത്തുനിന്നും ചാക്ക ഭാഗത്തേക്കു വരുന്ന വാഹനങ്ങൾ എതിർദിശയിലേക്ക് പോകണം. ചാക്ക - കോവളം റോഡിൽ കിഴക്കു വശം പാതയിൽ ഇരു ദിശയിലേക്കും ഗതാഗതം അനുവദിക്കും.