തെ​രു​വ് വി​ള​ക്കു​ക​ൾ മാ​റ്റി സ്ഥാ​പി​ക്ക​ൽ; വി​വ​ര​ശേ​ഖ​ര​ണം ന​ട​ത്താ​ൻ കൗ​ൺ​സി​ൽ തീ​രു​മാ​നം മ​ല​പ്പു​റം: കേ​ടു​വ​ന്ന​വ മാ​റ്റു​ന്ന​തി​നും പു​തി​യ​വ സ്‌​ഥാ​പി​ക്കു​ന്ന​തി​നും തെ​രു​വ് വി​ള​ക്കു​ക​ളു​ടെ വി​വ​ര​ശേ​ഖ​ര​ണം ന​ട​ത്താ​ൻ ന​ഗ​ര​സ​ഭ കൗ​ൺ​സി​ൽ യോ​ഗം തീ​രു​മാ​നി​ച്ചു.

മ​ല​പ്പു​റം: കേ​ടു​വ​ന്ന​വ മാ​റ്റു​ന്ന​തി​നും പു​തി​യ​വ സ്‌​ഥാ​പി​ക്കു​ന്ന​തി​നും തെ​രു​വ് വി​ള​ക്കു​ക​ളു​ടെ വി​വ​ര​ശേ​ഖ​ര​ണം ന​ട​ത്താ​ൻ ന​ഗ​ര​സ​ഭ കൗ​ൺ​സി​ൽ യോ​ഗം തീ​രു​മാ​നി​ച്ചു. അ​ത​ത് വാ​ർ​ഡു​ക​ളി​ലെ കൗ​ൺ​സി​ല​ർ​മാ​ർ പു​തു​താ​യി മാ​റ്റി​സ്‌​ഥാ​പി​ക്കേ​ണ്ട ഇ​ട​ങ്ങ​ളു​ടെ വി​വ​ര​ങ്ങ​ളും വൈ​ദ്യു​തി തൂ​ണു​ക​ളും നി​ല​വി​ൽ ന​ഗ​ര​സ​ഭ​യു​ടെ പ​ട്ടി​ക​യി​ലി​ല്ലാ​ത്ത തെ​രു​വു​വി​ള​ക്കു​ക​ളു​ടെ വി​വ​ര​ങ്ങ​ളും ഏ​പ്രി​ൽ 11ന് ​ഉ​ച്ച​ക്ക് ര​ണ്ടി​ന​കം ന​ഗ​ര​സ​ഭ​യി​ൽ സ​മ​ർ​പ്പി​ക്ക​ണം.

തെ​രു​വു​വി​ള​ക്കു​ക​ൾ അ​റ്റ​കു​റ്റ​പ്പ​ണി ന​ട​ത്തു​ന്ന​തി​നും പു​തി​യ​വ സ്‌​ഥാ​പി​ക്കു​ന്ന​തി​നും കേ​ര​ള ഇ​ല​ക്ട്രി​ക് ലി​മി​റ്റ​ഡു​മാ​യി (കെ​ൽ) ന​ഗ​ര​സ​ഭ ക​രാ​ർ​വെ​ച്ചി​ട്ടു​ണ്ട്. നി​ല​വി​ൽ ന​ഗ​ര​സ​ഭ​യി​ൽ പു​തു​താ​യി സ്‌​ഥാ​പി​ച്ച വി​ള​ക്കു​ക​ളു​ടെ വാ​ർ​ഷി​ക അ​റ്റ​കു​റ്റ​പ്പ​ണി ക​രാ​ർ (എ.​എം.​സി) 2026 മാ​ർ​ച്ച് വ​രെ​യു​ണ്ട്. അ​തേ​സ​മ​യം, മു​മ്പ് സ്‌​ഥാ​പി​ച്ച എ.​എം.​സി ക​ഴി​ഞ്ഞ 2,000ത്തി​ല​ധി​കം തെ​രു​വു വി​ള​ക്കു​ക​ളു​മു​ണ്ട്.

ഇ​വ ന​ന്നാ​ക്കു​ന്ന​തി​നും ആ​വ​ശ്യ​മു​ള്ള​യി​ട​ങ്ങ​ളി​ലും പു​തി​യ​വ സ്‌​ഥാ​പി​ക്കു​ന്ന​തി​നു​മാ​ണ് ക​രാ​ർ​വെ​ച്ചി​രി​ക്കു​ന്ന​ത്. കേ​ടു​വ​ന്ന തെ​രു​വ് വി​ള​ക്കു​ക​ൾ മാ​റ്റി സ്ഥാ​പി​ക്കാ​ത്ത​തി​നാ​ൽ വാ​ർ​ഡു​ക​ളി​ൽ പ്രാ​ദേ​ശി​ക​മാ​യി നി​ര​വ​ധി പ​രാ​തി​ക​ളാ​ണ് കൗ​ൺ​സി​ല​ർ​മാ​ർ നേ​രി​ടു​ന്ന​ത്. വാ​ർ​ഡ് ത​ല വി​വ​ര ശേ​ഖ​ര​ണം പൂ​ർ​ത്തീ​ക​രി​ച്ച് ക​ഴി​ഞ്ഞാ​ൽ തു​ട​ർ​ന​ട​പ​ടി വേ​ഗ​ത്തി​ലാ​ക്കാ​നാ​ണ് ന​ഗ​ര​സ​ഭ​യു​ടെ തീ​രു​മാ​നം. യോ​ഗ​ത്തി​ൽ ന​ഗ​ര​സ​ഭാ​ധ്യ​ക്ഷ​ൻ മു​ജീ​ബ് കാ​ടേ​രി അ​ധ്യ​ക്ഷ​ത വ​ഹി​ച്ചു.