Kerala ഇനി മുതൽ റെഡ് സിഗ്നല്‍ ലംഘിച്ചാല്‍ ലൈസന്‍സ് സസ്‌പെന്‍ഡ് ചെയ്യും

റെഡ് സിഗ്‌നല്‍ മറികടന്നാൽ ഇനി ഡ്രൈവിങ് ലൈസന്‍സ് നഷ്ടമാകും. ഉദ്യോഗസ്ഥര്‍ നേരിട്ട് പിടികൂടുന്ന നിയമലംഘനങ്ങളില്‍ കര്‍ശനനടപടി സ്വീകരിക്കാന്‍ എന്‍ഫോഴ്സ്മെന്റ് ആര്‍.ടി.ഒ.മാര്‍ക്ക് നിര്‍ദേശം കിട്ടി. 

മറ്റു യാത്രക്കാരെ അപകടപ്പെടുത്തുന്നവിധത്തില്‍ അലക്ഷ്യവും അശ്രദ്ധവുമായി വാഹനം ഓടിക്കുന്ന കാര്യം പരിഗണിച്ചുകൊണ്ടാണ് ലൈസന്‍സ് സസ്‌പെന്‍ഡ് ചെയ്യുന്നതെന്ന് അധികൃതര്‍ പറഞ്ഞു. 2017-ലെ ചട്ടപ്രകാരമാണിത്.

അതേസമയം ക്യാമറ പിടികൂടുന്ന കേസുകള്‍ കോടതിക്ക് വിടും. ഇവയിലും ലൈസന്‍സ് സസ്പെന്‍ഡ് ചെയ്യല്‍ ഉള്‍പ്പെടെയുള്ള കടുത്ത നടപടികള്‍ ഉണ്ടാകും. ഡ്രൈവിങ്ങിനിടെയുള്ള മൊബൈല്‍ഫോണ്‍ ഉപയോഗം, മദ്യപിച്ചുള്ള ഡ്രൈവിങ്, അതിവേഗം, അലക്ഷ്യമായ ഡ്രൈവിങ്, വാഹനങ്ങള്‍ ഉപയോഗിച്ചുള്ള അഭ്യാസപ്രകടനങ്ങള്‍ എന്നിവയ്ക്കാണ് നേരത്തെ ലൈസന്‍സ് സസ്പെന്‍ഡ് ചെയ്തിരുന്നത്.