India മിതാലി എക്‌സ്പ്രസ് താൽക്കാലികമായി റദ്ദാക്കി

ബംഗ്ലാദേശിൽ ഈദ് ആഘോഷം നടക്കുന്നതിനാൽ പശ്ചിമ ബംഗാളിലെ ന്യൂ ജൽപായ്ഗുരിക്കും ബംഗ്ലാദേശിലെ ധാക്ക കന്റോൺമെന്റിനും ഇടയിൽ ഓടുന്ന മിതാലി എക്‌സ്പ്രസ് താൽക്കാലികമായി നിർത്തിവയ്ക്കാൻ ഇന്ത്യൻ റെയിൽവേ തീരുമാനിച്ചു.

ജൂൺ 25 നും ജൂലൈ 3 നും ഇടയിൽ ന്യൂ ജൽപായ്ഗുരി-ധാക്ക-ന്യൂ ജൽപായ്ഗുരി മിതാലി എക്സ്പ്രസ് സർവീസുകൾ റദ്ദാക്കാൻ ഇന്ത്യൻ റെയിൽവേ തീരുമാനിച്ചതായി നോർത്ത് ഈസ്റ്റ് ഫ്രോണ്ടിയർ റെയിൽവേ (എൻഎഫ്ആർ) വൃത്തങ്ങൾ ചൊവ്വാഴ്ച അറിയിച്ചു,  മിതാലി എക്‌സ്പ്രസിന്റെ സാധാരണ സർവീസുകൾ ബംഗ്ലാദേശിൽ ഈദ് ഉത്സവം കഴിഞ്ഞാൽ ഉടൻ പുനരാരംഭിക്കും.