India ബെംഗളൂരുവിൽ നിന്ന് വാരണാസിയിലേക്കുള്ള ഇൻഡിഗോ വിമാനം തെലങ്കാനയിൽ അടിയന്തരമായി ഇറക്കി

ഹൈദരാബാദ്: ബെംഗളൂരുവിൽ നിന്ന് വാരാണസിയിലേക്ക് പോയ ഇൻഡിഗോ വിമാനം ചൊവ്വാഴ്ച രാവിലെ സാങ്കേതിക തകരാറിനെ തുടർന്ന് തെലങ്കാനയിൽ അടിയന്തരമായി ഇറക്കി. ഇന്ന് രാവിലെ 6.10ന് തെലങ്കാനയിലെ ഷംഷാബാദ് വിമാനത്താവളത്തിലാണ് വിമാനം ഇറങ്ങിയത്.
വാരാണസിയിലേക്ക് പോയ 6E897 വിമാനത്തിൽ 137 യാത്രക്കാരുണ്ടായിരുന്നു. എല്ലാവരും സുരക്ഷിതരാണെന്ന് ഡയറക്ടർ ജനറൽ ഓഫ് സിവിൽ ഏവിയേഷൻ അറിയിച്ചു.

സാങ്കേതിക തകരാർ പൈലറ്റിന്റെ ശ്രദ്ധയിൽപ്പെട്ടതിനെ തുടർന്ന് മുൻകരുതൽ നടപടിയായി വിമാനം ഹൈദരാബാദിലേക്ക് തിരിച്ചുവിട്ടതായി എയർലൈൻ പ്രസ്താവനയിൽ അറിയിച്ചു. വിമാനം നിലവിൽ ഹൈദരാബാദിലാണെന്നും ആവശ്യമായ പരിശോധനകൾ നടത്തിവരികയാണെന്നും എയർലൈൻ വക്താവ് അറിയിച്ചു.
"കൂടുതൽ കാലതാമസം ഒഴിവാക്കാൻ, യാത്രക്കാർക്ക് വാനരാസിയിലേക്ക് പറക്കാൻ ഒരു ഇതര വിമാനം നൽകി. യാത്രക്കാർക്ക് ഉണ്ടായ അസൗകര്യത്തിൽ ഞങ്ങൾ ഖേദിക്കുന്നു," വക്താവ് പറഞ്ഞു.