India എയർ ഇന്ത്യയുടെ ഡൽഹി-സിഡ്‌നി വിമാനത്തിൽ കടുത്ത പ്രക്ഷുബ്ധത; യാത്രക്കാർക്ക് നിസാര പരിക്കുണ്ട്

ന്യൂഡൽഹി: ഡൽഹിയിൽ നിന്ന് സിഡ്‌നിയിലേക്കുള്ള എയർ ഇന്ത്യയുടെ എഐ-302 വിമാനത്തിൽ കടുത്ത വായു പ്രക്ഷുബ്ധത അനുഭവപ്പെട്ടു,  ചൊവ്വാഴ്ച ഡൽഹി-സിഡ്‌നി എയർ ഇന്ത്യ വിമാനം വായുവിൽ രൂക്ഷമായ പ്രക്ഷുബ്ധതയെ തുടർന്ന് വിമാനത്തിലെ നിരവധി യാത്രക്കാർക്ക് പരിക്കേറ്റു. പരിക്കേറ്റ യാത്രക്കാർക്ക് സിഡ്‌നി വിമാനത്താവളത്തിൽ എത്തിയപ്പോൾ വൈദ്യസഹായം ലഭിച്ചു, ഒരു യാത്രക്കാരനെയും ആശുപത്രിയിൽ പ്രവേശിപ്പിച്ചില്ല.

പ്രാഥമിക റിപ്പോർട്ടുകൾ പ്രകാരം ഏഴ് യാത്രക്കാർക്ക് നിസാര പരിക്കേറ്റു. പരിക്കേറ്റ യാത്രക്കാർക്ക് ക്യാബിൻ ക്രൂവും വിമാനത്തിലുണ്ടായിരുന്ന ഒരു നഴ്‌സും സഹായം നൽകി, "ഏഴ് യാത്രക്കാർക്ക് ചെറിയ ഉളുക്ക് അനുഭവപ്പെട്ടു. വിമാനത്തിൽ യാത്ര ചെയ്യുന്ന ഒരു ഡോക്ടറുടെയും നഴ്സിന്റെയും സഹായത്തോടെ ക്യാബിൻ ക്രൂ ഓൺബോർഡ് ഫസ്റ്റ് എയ്ഡ് കിറ്റ് ഉപയോഗിച്ച് പ്രഥമശുശ്രൂഷ നൽകി," ഒരു ഉദ്യോഗസ്ഥനെ ഉദ്ധരിച്ച് വാർത്താ ഏജൻസി പിടിഐ റിപ്പോർട്ട് ചെയ്തു.