India യുഎഇ- ഇന്ത്യാ ബിസിനസ് കൗൺസിലിന്റെ മാൾ ഓഫ് ശ്രീന​ഗര്‍ ശിലാസ്ഥാപനം നാളെ

ശ്രീന​ഗർ:  യുഎഇ- ഇന്ത്യാ ബിസിനസ് കൗൺസിലിന്റെ മാൾ ഓഫ് ശ്രീന​ഗറിന്റെ ശിലാസ്ഥാപന കർമ്മം നാളെ നടക്കും. ജമ്മു ആൻഡ് കശ്മീര്‍  ലെഫ്റ്റനന്റ് ​ഗവർണർ മനോജ് സിൻഹയുടെ സാന്നിധ്യത്തിൽ ശ്രീന​ഗറിലാണ് ചടങ്ങ് നടക്കുന്നത്. രാവിലെ 10.30-നും 11.15 നും ഇടയ്ക്കാണ്  ശിലാസ്ഥാപന കര്‍മ്മം നടക്കുക.ശിലാസ്ഥാപനത്തിന്റെ ഭഗമായി സെന്റോര്‍ ഹോട്ടലിലെ ഷേർ ഇ കാശ്മീർ ഇന്റർനാഷണൽ കോൺഫറൻസ് സെന്ററിൽ ഉച്ചക്ക് 12 മുതൽ ഒരു മണി വരെ യുഎഇ- ഇന്ത്യാ ഇൻവെസ്റ്റ്മെന്റ് സെഷനും നടക്കും. 

ചടങ്ങിൽ റിട്ടയേർഡ് മേജർ ജനറലും യുഎഇ ഇന്ത്യാ ബിസിനസ് കൗൺസിൽ ഇന്ത്യാ ചെയർമാനുമായ ഷറഫുദ്ദീൻ ഷറഫ് സ്വാ​ഗതം പറയും. യുഐബിസി-യുസി ചെയർമാൻ ഫൈസൽ ഇ കൊട്ടിക്കൊള്ളൻ അധ്യക്ഷത വഹിക്കും.കൃഷി, വി​ദ്യാഭ്യാസം, ആരോ​ഗ്യം എന്നീ മേഖലകളിൽ ജമ്മുകാശ്മീരിലെ അവസരങ്ങളെക്കുറിച്ച് സര്‍ക്കാര്‍ പ്രതിനിധി വിശദീകരിക്കും. തുടര്‍ന്നാണ് ജമ്മുകാശ്മീർ ഗവർണർ മനോജ് സിൻഹയുടെ മുഖ്യപ്രഭാഷണം നടക്കുക.

ജമ്മുകാശ്മീരിലെ ഈമാര്‍ ഗ്രൂപ്പ് പദ്ധതികൾ ഈമാര്‍ പ്രോപർട്ടീസ് ​ഗ്രൂപ്പ് ചീഫ് ഓപ്പറേറ്റിങ് ഓഫീസർ അമിത് ജെയ്ൻ വിശദീകരിക്കും. ചോദ്യോത്തരവേദിയും ഇതിന്റെ ഭാഗമയി ഒരുക്കിയിട്ടുണ്ട്.  യുഎഇ ഇന്ത്യാ ബിസിനസ് കൗൺസിലി്നറെ നന്ദി പ്രകാശനത്തോടെ ചടങ്ങുകൾ അവസാനിക്കും.