Qatar ദർബ് ലുസെയ്ൽ ഫ്ലവർ ഫെസ്റ്റിവലിന് ഇന്ന് ദോഹയിൽ തുടക്കമാവും

ദോഹ:  ലുസെയ്ൽ ബൗളെവാർഡിനെ വസന്ത നാഗരിയാക്കുന്ന ദർബ് ലുസെയ്ൽ ഫ്ലവർ ഫെസ്റ്റിവലിന് ഇന്ന് തുടക്കമാവും.27 വരെ നീണ്ടുനിൽക്കുന്ന ഫ്ലവർ ഫെസ്റ്റിവലിന്റെ ഭാഗമായി വർണശബളമായ പരേഡുകൾ, പ്രാദേശിക വിപണികൾ, കുട്ടികൾക്കും മുതിർന്നവർക്കുമായുള്ള പരിപാടികൾ തുടങ്ങി ആകർഷകമായ കാഴ്ചകൾ ഏറെയുണ്ട്. 3 ദിവസത്തെ ഫെസ്റ്റിവൽ വൈകിട്ട് 7.00 മുതൽ രാത്രി 11.00 വരെയാണ്.

ദർബ് ലുസൈൽ പൂക്കളും പെയിന്റിംഗുകളും കൊണ്ട് അലങ്കരിക്കുന്നതിനാൽ വർണശബളമായ പുഷ്പ അലങ്കാരങ്ങൾക്കും കഥാപാത്രങ്ങൾക്കുമൊപ്പം   ഫോട്ടോ എടുക്കാനും അവസരമുണ്ടാകും.